طفولتنا

و إحنا صغيرين كان في شخصيات كتيرة اوي موجودة فـخيالنا بس
زي ماسنجر و بابا نويل و امنا الغولة و ابو رجل مسلوخة و العفركوشة و الاشكيف و كل الكلام دا
بس ايه السر ف ان اهالينا او اللي حوالينا بيحبوا يدخلوا ف دماغنا شخصيات زي دي
لو دققت هتلاقيهم معظمهم شخصيات قتال معادية لأي حاجة و كل حاجة
بغض النظر عن سيندريلا و روبن هود و الكلام الناعم دا
اقصد الشخصيات اللي كان الاطفال بيخاف منها
بسبب إن أهاليهم دايما يسموا بدنهم و يضيعوا نضارة طفولتهم و يفكروهم بالشخصيات دي أملاً إنهم يخافوا من حاجة معينة و ميعملوهاش تاني..بس برضو
يعني لازم تخوف العيل عشان ميعملش الحاجة دي
طب ما إنت كدة بتربيه على إنه لو مفيش عقاب هيسوء فيها؟!!

اياً يكن الاسلوب دا ناجح و بحد كبير لأن اطفال مصر كلهم ماشاء الله عليهم متربين ع الشخصيات دي
بل و اصبحوا متمردين و تجبلهم سيرتها يقولك يجي يوريني نفسو!
طفولة إتغيرت 180 درجة
المهم :الطفل ممكن يجي بأساليب تاني
إلا إن الاسلوب دا أكثر شيوعية و إنتشاراً فـ العالم كله :)

و بتفضل ذكريات فـ عقل كل عيل =)

اللِيبراليـة

ليبرالية!

هي كلمة كدة ملهاش لزمة بس بتحطط جنب اسم اي واحد
شايف إن حريتك كـفرد أهم من حرية أي حد تاني
قالك حريتي يعني اسرق و انهب ,,مانا حر بقى
اقولك لأ إنت حرتيكـ إنك تعمل اللي عاوزوه منغير قيود ولا اغلال
حرتيك فـ إنك تضمن حقك و حق تعبيرك و حريته!
- طب و إزاي ابقى حر و أنا متقيد بـقواعد و اخلاقيات وطن و اديان!
لو حريتك خالفت اللي جايه في الاديان السماوية او شرعو القانوون يبقى دي مش حرية! دا تعدي :)
- يعني انا بعترف بحريتي و حرية تعبيري و حرية اهلي و اصحابي بما لا يخالف الشرع ولا القانون؟صح؟
تمام كدة الله ينور :) هي دي الليبرالية!
خلاص أنا من دلوقتي ريبلاريل,ريبريلاري,هوووف أنا ليبرالي مُنصف :)

يوم مويك (شخصية)

النهاردة 23/3/2012
يوم جميل اوي ,روحت الجامعة (جامعة القاهرة)و حضرت نشاط مويك (اشبال مويك) MOIC
اليوم بدأ بـ "بليز كول مي" و خلص بـ"سلام"
كان حلو أوي ركبنا الميكروباص لـ ابو الريش و من هناكـ لـ المترو و من المترو لـ مكروباص تاني و من هناك لـ الجامعة!
ذهبنا الحمد لله و نزلنا بسرعة من الميكروباص و مشينا ,سابتنا سهام و دخلت النشاط بتاعها و إحنا روحنا للنشاط بتاعنا
دخلنا ,بما إني اول مرة آجي إتعرفوا عليا, و دخلنا الاول لاقيتهم جابوا فقرة صغيرة كدة عن إحترام رأي الآخر و الهمجية إللي فـمجلس الشعب و إن اللي بيحصل دا مش اسلوب حوار عموماً, و بعد كدة إنتقلنا لـفقرة حلوة أوي ,إتقسمنا تيارات او حركات سياسية!
[ليبراليين,إخوان,سلفيين] بس بصراحة هما بدأوا بـالإخوان الاول , الإخوان انا مسمعتش او بمعنى اصح مفهمتش منهم حاجة مفيدة! كل كلامهم على المجلس نفسه بيعرضوا حاجة موجودة بالفعل!(قصدي تيم إنهردة)
السلفيين بقى,إلى جانب إنهم كانوا بنات و إنتقبوا الحمد لله!
المهم :دخلوا فـ الزي الإسلامي و بالأخص زي المرأة,بس!و كأنهم هيمسكوا الدولة عشان الازياء
إحم
ما علينـا,تعالوا لـالليبراليين اللي هما إحنا
أبدعنا بصراحة ,كنا تيم وورك مكون من 5 أفراد بنات.. كان في بنتين بيساعدونا أفقهم عالي ماشاء الله عليهم

رسمنا رسمة صغيره هبلة اوي زي دي كدة :D متتريقوش بس
المهم, عملنا الرسمة و كتبا الافكار 1,2,3 و حضرنا هنقول إيه ,قسمنا نفسنا واحدة هتتكلم عن البطالة و التانية الصناعة و التالتة التسامح و الرابعة الفقرا و الخامسة التعليم المهم ,طلعنا و إتكلمنا بطريقة عجيبة ,أنا اول مرة اتكلم فـمايك وانا مش سامعة صوتي ولا فاكرة كلامي :)) #إتهبلت_شوية المهم : بعد لما خلصت الفقرة او خلص تعبير كل حزب عن رأيه, إتقيمنا على إننا منظمين كـ"ليبراليين"
إنتهينا من الفقرة و روحنا على فقرة تانية بس بعد البريك طبعاً, إتكلمنا عن سوريا و انا منطقتش بحرف فـالفقرة دي ,كنت بشارك معنويا بصراحة :D المهم (المرة التسعين) إتقسمنا دول كل 2 او 3 كانوا دولة واحدة ,إتقسمنا (ولايات متحدة,تركيا,الصين,روسيا,سوريا الشعب,سوريا النظام,جامعة الدول العربية) و كل واحد كان بيوجه كلمة للتاني و كأننا فـ مؤتتمر دولي بالظبط, الرئيس بتاع المؤتمر كان "ضياء" و جملته الشهيرة كانت "شكراً للسيد العضو,نثني على كلام السيد ممثل الدولة الفولاينة
,,, خلصت الفقرة دي كمان بعد مشادات بين الدول و بعض , و دخلنا فـفقرة حواديت أو قصص زمان ,عبرة و موعظة, بنت حكلتنا قصة محمد الفاتح مع فتح القسطنطينية (إسطمبول حالياً اللي هي فـ تركيا) و الصعوبات اللي واجهتهم , و مع ذلك ما يأسوش رغم ان اللي يسمع القصة هيحكم على محاولاتهم بالفشل! كمان إتكلمت عن د.فاروق الباز و قصة نجاحه و ازاي وصل لـ المكانة دي و عرفت إن اول حاجة إتقالت على سطح القمر كانت آيه قرآنية , خلصنا كلام فـالقصص و إتعلمنا منها حاجات كتير طبعاً, وزعوا علينا ورقة و طلبوا مننا نسلمهالهم قبل ما نمشيى ..كانت ما رأيك فـي كذا؟و هكذا ..المهم لما خلصنا مشنا شوية روحنا ناحية ركن كدة يتصلى فيه ,سهام دخلت تصلي و انا و صديقاتي روحنا نتصور ناحية كلية آثار, و حصل كام موقف عسل كدة :))
و ماشيين نضحك و بتاع ,وصلنا للمنطقة بسلام الحمد لله ,و لكن ممشيناش من الطريق المعتاد!
انا لففتهم المنطقة كلها عقبال ما وصلتهم و كلاب و زبالة بقى و بتاع ,,فسحتهم بصراحة :))
المهم وصلنا و ودعنا بعض على امل نتقابل اول الاسبوع تاني :)) و مشينا
و إنتهى يوم جميل توابعه على مواقع التواصل الإجتماعي (فيسبوك,تويتر)
و اقدر أقول إنه بجد نايس دااي إن ماي لايف :)

لو الموضوع دايقك أو إستفزك أو شايف إنه تافه :)
ما تعملش كومنت عشان ببساطة!
إزاي تعمل كومنت على حاجة مش عاجباك؟ :)

ريسك فيستِـك

من خلال تجربة حقيقية مريت بيها ,مش تجربة واحدة و مش مرة واحدة .دي مرات عديدة عديدة بجد
توصلت للحقيقة اللي بتقول ;
"أنا خارج بكرة النادي مع صحابي"
-تاني يوم:
"نازل يا حبيبي؟"
"لأ انا عيان مش قادر"
إذن ماتخططش لأي حاجة لأنها فـالنهاية مش هتحصل ,اولا تقدم المشيئة قبل اي شئ
ثانياً: متشغلش نفسك أوي بالحاجة دي لأن تركيزك فيها يا إما هيفقدها طعمها لما تيجي
لا إما هيمنعها من التواجد أصلا لأسباب لا يعلمها إلا الله "و له في خلقه شئون"
ثالثاً: "انا عند ظن عبدي بي" ثق تماماًإن إيمانك بـإللي هيحصل هيخليه يحصل
يعني لو مترقب مصيبة في المشوار دا يبقا هيحصل مصيبة و لو محصلتش هيجيلك إحساس إن في مصيبة مع إن مفيش لكنك وهمت نفسك ,إلخ على حاجات كتير
رابعاً: الريسك مايبقاش على اي حد غير نفسك .هتقولوا إيه دخل الريسك بـ الموضوع ,,اقولكوا الريسك يعني المخاطرة!و إنك تخاطر بقرار او بفعل أو حتى بنية و ماتتنفذش دا هيأثر عليك
إذن لو هتعمل ريسك يبقا على نفسك ,لو خسرتوا يبقا مخسرتش حاجة و لو كسبته يبقا كسبت نفسك
خـامساً و أخيراً و ليس آخراً: اياكـ تعلق مصالحك بالبشر ,, حاول تبقا إنت المساهم أكتر


الدروس المستفادة :
1.ما أنويش حاجة و أجزم بيها إلا لو حصلت
2.معملش ريسك (مخاطرة) غير على نفسي
3.مستناش مساعدة او اعتماد على او من حد
4.إرمي حمولك على الأجدر مساعدتك
5.ما أخططش لحاجة منغير ترتيبات منظمة
6.أقدم المشيئة قبل اي فعل 

شخـَابيِـط

شخبطاتي العزيزة ;أولاً أحب انبهكم لحاجة مهمة جداً,إنتم مجرد حروف طالعة من كيبورد لا تسمع لا ترى لا تتكلم
إترتبتوا مع بعض فـعملته حكاية! هتخرجوا عن السيطرة هتأوحوني همسحكوا و أكتب غيركوا ,اللهم بلغت!
لما البنى آدم مننا بيتعلم لأول مرة إنه يكتب اي حاجة, اول حاجة بيعملها إنه يشخبط بيمسك القلم او الطباشيرة و يلعب بيهم
توازي توالي تعرج استقامة حلزونية على حسب شخصيته أو مزاجه بمعنى أصح
و برضو لو إديت القلم لشخص عدى الـ80 سنة و بدأت علامات الكبر تبان عليه هيرسملك نفس الشخابيط بتاعة الطفل الصغير
الشخابيط دي (شخبطيشن :زي ما بحب أسميها) هي اساس تعلم الطفل عشان يبقا عجوز و يرجعلها من تاني
الشخابيط دي بتطلع لوحات و مسرحيات و دروس و اجيال
الشخابيط دي بتعبر عن غضب و بتعبر عن ألم و بتعبر عن فرح و بتعبر عن شرود و عن حاجات كتير اوي متضاربة مع بعض
الشخابيط راحت ولا جت شخابيط ..العاقل هيقدر يطلع منها حاجة مفيدة ..و الأحمق او الغير قادر هيطلع شخابيط!
ما تستغنوش عن شخابيطكوا ,, دا العقل كله شخابيط و خطوط و دواير ملهاش معنى غير مع بعض
الشخابيط هي الأساس!

أنا مختلف

كون الإنسان موجود ,بإسمه و بـشكله و شحمه و لحمُه زي ما بيقولوا دا فـِ حد ذآتُـه إختلاف
بغض النظر هل هو مختلف عن اللي حواليه فعلاً ولا لأ
لأن الأختلاف مش شرط يكون انا أحسن أو هو أحسن ,هو بيعمِل أو أنا بعمِـل
الإختلاف دا موضوع كبيـر أوي و يطول الكلام فيـه,المهم ;إللي بيدخل للإنسان التشاؤم و اليأس هو عَـدم الإختلاف
لكن لو إفترضنا إنه فـكُـل يوم صحِـي مِـن النوم و بص لنفسـه فـالمراية و شكر ربه على نعمة وجوده بالهيئة دي وسط الناس
تفكيره هيختلف كتير! نظرته لنفسه هتتغير كتير ,هينجح فـحاجات كتير :)

و مش لازم الإختلاف يعني عكس التيار و خالف تُعرف ,لو مشكلتك إنك عآدي أكتر مما يلزم و فـحياتك رغبة إنك تبقا مختلف ,تأكد إنك بالفعل مختلف :)