إشمعنا بالذات حبيت الأغنية دي لما مشيوا, ما هما طول عمرهم بيسمعوها وانا جمبهم بقولهم وطوّا الصوت.. إشمعنا لما مشيوا؟
ليه بنكتشف فجأة إن البني آدم دا كويس وكان يستحق ناخد بالنا منه, بعد ما يموت؟
إيه الفكرة من تقديس التفاصيل وتسليط الضوء عليها لمجرد إن حامليها مشيوا, وإنها حاجة من ريحتهم؟
بيتهيألي الموضوع كان هيبقى منطقي أكتر لو كنت بحب الأغنية دي وبقعد أغنيها معاهم, كان هيبقى طبيعي إني أتعلق بيها زيادة لو مشيوا, أو لو كنا صحاب أوي أزعل أوي إنه مشي, وأقول تفاصيله مش هتتعوض
الرحيل بيلمع الحاجات ف عنينا, معرفش إيه السر, يمكن التعاطف..
