بطلوا تضحكوا على نفسكوا وتقولوا إنك الوحيد اللي باقي لنفسك ومش محتاج حد يكملها أو يسعدها, الكلام دا مش صحيح ومش هايبقى صحيح في يوم, إحنا أصلاً جايين هنا نكمل بعض ونخلف ناس ونعمر, فكرة إنك لو ملقتش حد يسعدك تحاول تسعد نفسك وتتأقلم عالعيشة معاك وبس دي قميئة
إنت أولاً عمرك ما هتعرف تعملها, ولو توهمت إنك نحجت فيها فـ دي فترة مؤقته إنت فيها متخدر أو مبهور أو معجب بالموقف بس, بس مش هاتقدر تكمل, وأما تحاول ترجع تختلط تلاقيهم إتعودوا عليك بعيد عنهم وتعاني بقى
طب ما تعترف إنك محتاجهم كلهم بإختلاف منازلهم ف حياتك, جمبك
يبقالك صحبة وأهل وبيت
يناديك لو إنت في يوم ضليت
مش هتفرق هو مين ولا إزاي, المهم تدور عليه وتفهم إنه أهم فـ حياتك من حياتك كلها, سند, حد جمبك دا مش إحساس وحش
عشان إيد لوحدها عمرها ما تصقف
إلقالك قلب يحن إليك
وحبيب يشتاق ويروح يناديك
إلقالك حُب :) لازم تلاقي اللي يحبك عشان يمكن دا اللي يهوّنها عليك شوية , مينفعش تعيش منغيره أو تستغنى عنه, ماينفعش
الناس برضو مهمين
إلقالك حد لو ضاقت بيك يفتحلك قلب..
ليست هناك تعليقات:
إرسال تعليق