كل ما افكر اكلمه اتراجع جامد اوي!
حجة الكرامة و الكبرياء و الهري اللي بيجيب ورا دا
كان هيحصل ايه لو مفيش الحواجز دي بين الناس؟ يمكن كانت علاقتهم بقت احسن
المشكلة اني كل ما افكر اني اكلمه واكسر حاجز الكبرياء دا و اقول لما اسمع صوته هنسى كل حاجة، بيتبادر في ذهني فورا طب ماهو ممكن يكسفني؟! ممكن هي ترد عليا ؟! ممكن محدش يرد اصلا
و ممكن يرد يقولي انا مشغول هكلمك بعدين و ميتكلمش!
دا كمان ممكن يكون غير الشريحة :/
طب ولو كل دا محصلش! بسال نفسي طب و منظري قدامه؟! هيشوفني عيلة فشخ! هيشوفني واحده معندهاش مانع يستغنى عنها و هي اللي تروحله
دا ممكن يكون في نيته يصالحني ولما اكلمه انا يعدل عن قراره و يقول متستحقش!
ممكن يكون ربنا عمل كدة عشان يبعدني عن شره
وممكن يكون اختبار عشان اقرب منه
وممكن يكون اختبار عشان هو نفسه يشوف اذا كنت بحبه ولا لا!
ممكن حاجات كتير اوي
بس اهم حاجتين دلوقتي
إني بطلت اصلي من ساعة ماعرفت انها حقيقة مش كذبه!
وانه واحشني جدا!
شكراً
العنوان شدني عن غيره و قلت لازم أقرأ دي. بصي يا بسنت ربنا مش بيعمل حاجة وحشة لحد, أقسم بالله كل حاجة بيعملها بتبقي كويسة ليكي بطريقة أو بأخري. بس اتعلمت حاجة : متكونيش انتي المعطاءة علي طول لازم كمان الناس ال انتي بتهتمي بيهم يهتموا بيكي.
ردحذفحاجة أخيرة : مفيش حد يستاهل إنك تدخلي النار عشانه; اشكري ربنا إنه بينلك حقائق كتير الشخص ده مش هينفعك قدام ربنا.
لا ربنا بيعمل حاجات وحشة للناس يا فاطمه :) بس من وجهة نظره ان دا الصح, وهي دايماً بتأذيهم حتى لو مؤقتاً وكدة او كدة محدش عارف الغيب فيه إيه .. والحد دا مكانش بالسوء اللي وصلك هو كان كويس جداً , عموماً الحمد لله على كل شئ :) :*
ردحذف