عن التشبث بقشة
عن ناس كتييير واحشِنا
عن السعادة اللي انت عارف انها مش هتدوم
عن الخوف من النهاية
عن الحاجات اللي فقدت فيها الامل خلاص
عن اماني اتحققت متاخر اوي
عن حالة "الرمادي" في كل مشاعرك
عن الفراغ اللي محدش قدر يملاه جواك
عن الناس اللي خايف تخسرهم
عن اماني ما قبل النوم اللي انت متاكد انها مش هتحصل
عن كل الناس اللي حواليك
عن كل الكلام المكتوم جواك
عن الدموع اللي مبتنزلش
عن الهم والحزن الدائم
عن كل الذكريات
عن كلام كتير نفسك تقوله لحد معين ومفيش فرصة
عن العتاب
عن القهوة
عن فشختك النفسية
عن اللي ظالمهم معاك
عن تأنيب الضمير
عن الضحك غصب عنك وانت جواك زعلان
عن حرقة الدم والقلب
عن زمن مبيرجعش، عن ناس مبترجعش، عن حاجات مبترجعش
عن "انا تمام" اللي بتقولها وانت مش تمام ابداً
عن انتظار نهاية حتمية
عن كلام مبقاش له لزمة
عن ناس فهمت متاخر اوي
عن كل حاجة نفسك فيها
عن الموت بالبطئ
عن استحسان السكوت
عن الايام اللي شبه بعض
عن قلة الحيلة
عن الامر الواقع اللي مفيش مفر منه
عن الغيره والحنين والوحشة والغربة والوجع والحيرة والخوف
عن حبيبك
عنك انت شخصياً
عن كل كلمة مستنيهم يفهومها من غير ما تقولها
عن وحدتك
عن اغنيه فكرتك بيهم
عن كلمة داست على جرحك
عن نفسك اللي بيضيق
عن مكان شميت فيه ريحه ذكرى حلوة
عن الابتسامة اللي من ورا قلبك
عن كل اللي ممنوع ومرغوب
عن حلاوة الروح اللي بتوجع الروح
عن الصبر اللي مش عارف آخره
عن العجز اللي جواك
عن قرارتك اللي مش عارف تاخدها
عن الاذى اللي خايف تسببه لحد
عن الانانيه
عن تعاطفك مع نفسك
عن القليلين اللي بيفهموك
عن الحاجات الحلوة
عن اللي بيعرفوا يغيروا مزاجك
عن صراخك المكتوم جواك
عن الشرخ اللي عمال يكبر
عن الـ gray area إللي غطت على كل حاجة
عن الرُمادي إللي عمال يغمَقْ
عن الناس اللي بتمشي ومحدش بيعوضهم ابداً
عن أولويتك إللي عمالة تتراجع
عن كُل لحظة بتأرخها لإنك عارف إنها مش هترجع تاني
عن الكِلمة اللي نفسك تسمعها , ومبتسمعهاش
عن الناس اللي واحشِنا في القبور
عن لهفتك تكلمهم اول ما ييجوا
عن كل ذكرياتك الحلوة
عن أجمل حد في حياتك
عن الظلم اللي ظلمته لنفسك ولغيرك
عن ربك و رحمته
عن محاولات تناسيك اللي دايماً تفشل
عن الحلو اللي مبيكملش أبداً
عن إعتياد الوجع
عن النِهاية المُكرر بشكل غير رسمي
عن النِهاية الرسمية المُعتادة
عن "the end" إللي نزلت من بداية الفيلم
عن الحب المُستتر
عن اللامبالاة المُزيفة
عن الحلاوة إللي بزيادة
عن الإعتياد على وجود شخص سبيشال ف حياتك
عن البذل
عن العصيان النفسي
عن الألم في كل عتاب
عنك وانت عايز تقول "انا اللي مجروح مش انتوا"
عن حلاوة الروح
عن الكلام اللي مبيعبرش
عن إفتقاد الراحة
عن التدوينة اللي مش عايزة تخلص
عن ...
يُتبع لاحقاً
ليست هناك تعليقات:
إرسال تعليق