وانا بقلب فـ الكتب اللي المفروض اذاكر فيها
لاقيت أجندة رمادي كدة, كنت دايماً بكتب فيها اي حاجة بحس إنها جوايا و عاوزة اطلعها
المهم, بفتحها لاقيت فيها تدوينات أو كتابات يعني من السنة اللي فاتت
و كلام و اسلوب فـ الكلام و احداث أنا حتى دلوقتي مش فاكراها
المهم بجد كنت مستمتعة جدا وانا مسكاها و كأني براجع الذكريات.
و قد إحساسي إختلف من السنة اللي فاتت للسنادي و أد ايه كلامي إختلف و أد ايه بقرا الكلام دا و بتبسط بيه.
فعلا إنت لو جربته احساس جميل اوي إنك بتكسر حاجز الزمن و ترجع لذكرى او حاجة حصلت قبل كدة سواء حلوة او وحشة
انا فـ اللحظة دي بس فهمت ليه معظم الناس فـ اي مكان في العالم عندهم دفتر مذكرات و ليه بيحكوا فيه كل حاجة بالتفصيل المميت مش الملل؟ إتضح إن هما بعد سنة أو سنتين أو شهر او شهرين اياً يكن بيفتحوا الدفتر دا و يراجعوا ظروفهم القديمة و اعمالهم إلخ و عرفت أد ايه الإحساس دا بيبقى جميــــــل أوي
و من هنا برضو توصلت لنقطة انا عن نفسي هحطها مبدأ من مبادئي
" لو لم تدون فـ أنت لم تعش"
يعني لو مكتبتش الحاجات اللي بتهز كيانك سواء بالحزن او الفرح ولا عمرك هتفتكرها
و دا اللي بيخلينا لما نخلص من فترة عمرية معينة نحاول نستعيد ذكرياتها كدة بنستعيد شوية فعلاً لكن قليلة أوي بالنسبة للي شوفناه و عشناه
إنت كدة بتأأرخ كل اللي بيحصلك فـ ورقة فـ مدونة فـ دفتر, و تيجي بعد كدة تفتح. هتلاقيه موجود مش هيطير, الموضوع ممكن يكون ممل لأنك بتحكي تفاصيل يوم إنت لسة فيه بالفعل, لكن لما تقرا تفاصيل اليوم دا بعديها بفترة هتحس بحاجة مختلفة كدة
الدفتر دا ع الاقل ممكن يساعدك تستفيد من أخطاء قديمة أو يفكرك بمواقف حصلت قبل كدة و طريقة تعاملك معاها كانت غلط فـ تبدأ تصلح من الاسلوب و تعدل من الموضوع :)
شوفتوا بقى مفيدة إزاي؟
لاقيت أجندة رمادي كدة, كنت دايماً بكتب فيها اي حاجة بحس إنها جوايا و عاوزة اطلعها
المهم, بفتحها لاقيت فيها تدوينات أو كتابات يعني من السنة اللي فاتت
و كلام و اسلوب فـ الكلام و احداث أنا حتى دلوقتي مش فاكراها
المهم بجد كنت مستمتعة جدا وانا مسكاها و كأني براجع الذكريات.
و قد إحساسي إختلف من السنة اللي فاتت للسنادي و أد ايه كلامي إختلف و أد ايه بقرا الكلام دا و بتبسط بيه.
فعلا إنت لو جربته احساس جميل اوي إنك بتكسر حاجز الزمن و ترجع لذكرى او حاجة حصلت قبل كدة سواء حلوة او وحشة
انا فـ اللحظة دي بس فهمت ليه معظم الناس فـ اي مكان في العالم عندهم دفتر مذكرات و ليه بيحكوا فيه كل حاجة بالتفصيل المميت مش الملل؟ إتضح إن هما بعد سنة أو سنتين أو شهر او شهرين اياً يكن بيفتحوا الدفتر دا و يراجعوا ظروفهم القديمة و اعمالهم إلخ و عرفت أد ايه الإحساس دا بيبقى جميــــــل أوي
و من هنا برضو توصلت لنقطة انا عن نفسي هحطها مبدأ من مبادئي
" لو لم تدون فـ أنت لم تعش"
يعني لو مكتبتش الحاجات اللي بتهز كيانك سواء بالحزن او الفرح ولا عمرك هتفتكرها
و دا اللي بيخلينا لما نخلص من فترة عمرية معينة نحاول نستعيد ذكرياتها كدة بنستعيد شوية فعلاً لكن قليلة أوي بالنسبة للي شوفناه و عشناه
إنت كدة بتأأرخ كل اللي بيحصلك فـ ورقة فـ مدونة فـ دفتر, و تيجي بعد كدة تفتح. هتلاقيه موجود مش هيطير, الموضوع ممكن يكون ممل لأنك بتحكي تفاصيل يوم إنت لسة فيه بالفعل, لكن لما تقرا تفاصيل اليوم دا بعديها بفترة هتحس بحاجة مختلفة كدة
الدفتر دا ع الاقل ممكن يساعدك تستفيد من أخطاء قديمة أو يفكرك بمواقف حصلت قبل كدة و طريقة تعاملك معاها كانت غلط فـ تبدأ تصلح من الاسلوب و تعدل من الموضوع :)
شوفتوا بقى مفيدة إزاي؟
.jpg)
