ما إنتي لو لويتيلي بوذك أنا كمان هلويلك بوذي
و بوذي على بوذك يبقى بوذ واحد (إيموشن مطلع لسانه)
خليكي حلوة و بشويش عليا بقى
أصلي لسة بتسكع فيكي و مش فاضية اعد أدقق على كل كبيرة و صغيرة بصراحة
ورايا حاجات أهم.. المهم
عايزاكي تعرفي حاجة واحدة.. انا ماليش عندك غير سعادتي و إنتي ملكيش عندي اي حاجة
فاهمة؟ هو انا و بس
سامعة ولا لأ؟؟
اها هي بلطجة و إعملي اللي تعمليه ما هو انا (أعوذ بالله من كلمة انا)
اللي بنفع و بضر نفسي
بايماني و بعملي و بدراستي و كلو بإرداتي
كل شئ تحت السيطرة
يعني إنتي معايا ملكيش فيها (نفس البتاع اللي بيطلع لسانه)
دا إنتي رحلة يادوبك ألحق أكتشفها هووب تخلص
و مصاريفك عالية اوي
هفضالك و لا هفضى لنفسي؟
يبقى خليكي طيوبة و كيوته و حلوة ^_^ عشان أحبك
إيمووووووشن بيبستســم إبتســامه صفــرا
ليست هناك تعليقات:
إرسال تعليق