أولويات

بما إن التوبيك دا جي فـ وقت انا مدايقة فيه جداااا
هكلمكوا ع الأولويات شوية
إحم إحم.. مبدئياً يعني ايه اولوية؟
يعني الشئ دا أهم من الشئ دا
طب ممكن مثال؟ أوي اوي
انهي أهم الصلاة ولا الزكاة؟
الإتنين مهمين بس الصلاة أهم.. اولوية يعني حاجتين او اكتر مهمين بالفعل بس اهمية كل حاجة بتختلف عن التاني.. فبتبدأ إنت بدورك تقسمهم أولويات
دي مهمة جدا دي مهمة شوية دي عادية دي مش مهمة إلخ
الاولويات مبتبقاش في الاشياء بس!
دي بتبقى فـ كل حاجة. حتى الاشخاص
طب عادي مافي ناس ثانويين و في ناس اساسيين
يا رااااجل؟؟ (ايموشن مستغرب) انا قصدي
الـ تقسيمة بتيجي إزاي؟؟ بتقيم الشخص دا على إن اولويته اقل على اساس ايه؟
اقولك
على اساس إن كمية الفايدة اللي عااوزها منه قليلة, و إنك لو متعاملتش معاه فترة كبيرة مش هيأثر ولا عليه ولا عليك دا تفكيرك إنت!
على أساس إن هو موجود فـ أي وقت منين ما تحب تجيبه هتلاقيه ولو ملاقتهوش في غيره كتير
طيب
الشخص المهم او اللي اولويته اكبر؟
هو الشخص اللي اولا مصلحتك منه مطلوبة
ثانياً نادراً ما بتلاقيه موجود في حين إنك بتبقى عاوز تشوفه أغلب الوقت
يعني المختصر

لو عاوزك هيكلمك لو مش عاوزك مش هيكلمك.. تمام كدة؟