باين من الاسم !
الكنترول
اكيد مش الكنترول بتاع شريط سبيستون ¬_¬
قصدي كنترولك على نفسك
تحكمك فـ تصرفاتك قدام الناس وقدام نفسك
النوع دا من الكنترول هو اصعب انواع التحكم ! لإن في حاجات كتير جواك بتكبتها عشان بريتسجك وكرامتك وبتحاول على قد ما تقدر تعمل كنترول تام على كل ردود فعلك!
بتكون النتيجة إيه؟ إن في حاجات كتير صح بيموتها الكنترول
وحاجات كتير نفسك تطلعها بيكبتها الكنترول برضو
وإنك كل ما حطيت حدود لنفسك متتخطاهاش مُت اكتر واكتر
انا مبقولش منعملش كنترول, بس لما نلاقي الحكاية بهوأت اوي نعمل
إنما متحطش لنفسك حدود لحاجة انت بتحب تعملها وتقول بحاول اعمل كنترول على نفسي! لو الكنترول دا هيأذيك, بلاش منه
ماحنا ياما شوفنا ناس دماغها طقة وبيعملوا كل حاجة وميعرفوش يعني ايه كنترول اصلا ومحصلهمش حاجة :D
ولا ماتوا محروقين ولا صحيوا لاقوا نفسهم قرود !
لما تبقى عايز تعمل حاجة اعملها فـ ساعتها
متطلعش لنفسك اعذار ومتكبتش نفسك جواك بإنك توقفها عن حاجة عايزاها
نفسك أمارة بالسوء عارفة, وبتطلب حاجات كتير غلط
كدة من حقك تستعمل حقك فـ الكنترول عليها
بس مش عمال على بطال كل حاجة .. محرم ومحلل :/
ماشي؟؟ :)
ليست هناك تعليقات:
إرسال تعليق