مش عارفة ليه دايماً نقاشاتي مع اهلي او مجادلاتي يعني
بتنتهي بانهم لازم يطلعوني غبية ومبفهمش اي حاجة خالص!
وكأنهم بالظبط خلفوني عشان يفرضوا عليا حاجات كتير اوي والمفروض اني مهما جادلت او ناطحت يطلعوا هما الصح
انا بلمس دا اوي لما يدخلوني ف حتة العادات والتقاليد واصلنا واتربينا على كدة والمجتمع والجو دا
بجد انا تعبت!
حتى نقاشاتي السياسية معاهم كانت بتنتهي بـ حتة من القانون اللي انا لا افقه فيه اي شئ طبعاً وبين قوسين (اخرسي يا حمارة) بجد!
مستحيل اكون غلط ف كل حاجة
انا الى حد ما متزنة عقلياً
ولا ايه؟!
مستحيل هما كمان يكونوا صح ف كل حاجة! مستحيل انا اكون هوجاء للدرجادي!
مش عارفة ليه بيختموا اي حاجة مبيعرفوش يردوا عليها بـ سلطتهم المطلقة!
وإن "لا" عندهم هي الاجابة الرسمية على حاجات كتير
مش عارفة انا لوحدي اللي كدة ولا في حد زيي؟
بس انا لو جالي الضغط والسكر مع بعض هيبقى بسببهم !
بجد !
مش عارفة اوصف اللي بعانيه ف المجادلة معاهم بإيه؟ انا بتعب نفسياً فعلا
ماهو حد فينا اللي غبي, يانا يا هما
بس مش ف كل الاوقات هطلع انا! لا مستحيل بقى !
يمكن فرق السن؟ فرق الزمن شاسع!
مع ملاحظة ان نفس النقاش مع حد قريب مني ف السن مش هياخد كل دا!
مش هيعصبني ولا يعصبه زي ما بتعمل نقاشاتي مع اهلي !
مش قادرين يقتنعوا إني "ممكن" أكون صح! فـ يسمعوا حتى!
لا بجد!
انا عايزة افجر نفسي ف البيت بالغباء اللي فيه سواء مني او منهم بقى
بحسهم بيمارسوا سلطتهم فـ حاجات وينسوني ف حاجات!
الله اعلم يمكن ف التدوينة دي خيالي المريض بيفتري عليهم! منا طلعت حمارة يا جماعة
اياً كان :/ في ناس مشاكلها اكبر مني بكتير مع اهلها
عشان معاهم سلطة الاب والام وكدة
عشان هما دايماً شايفين الصح وعمرهم ما هيضروك
عشان هما اكبر واكثر خبرة وحكمة
عشان هما خايفين عليك
عشان هما بيحبوك
عشان هما مرضى نفسيين
عشان هما معقدين
عشان هما مستمتعوش بالحاجات دي
عشان هما عندهم كبت
عشان هما ماقدروش يوصلوا فكرتهم للناس فبيوصلوهالك بالاجبار
عشان وعشان وعشان!
مهما كان دول اهلي :')
بس ....
ليست هناك تعليقات:
إرسال تعليق