إنتظار

لا شئ في خاطرها سواه وكأنما العالم بأسره لا يحمل سواهما .. كلما سبحت بعيدا بأفكارها تعود اليه مرة اخرى عاجزة عن النوم مع ان النوم يكاد يخرج من عيناها..
رأسها مشوش تعاني الصداع جسدها مرهق
لازالت تسأل نفسها ايستحق كل هذا الانتظار؟
مراجعة كل الذكريات الخاصة بهما قائلتاً لنفسها سيعود كما كان
متناسية فكرة ان بريقها ورونقها لديه قد ول
لديها الكثير لتخبره لكن في كل مرة تعرقلها كرامتها مبسطة الامور عليها محرمة عليها مصارحته بما هي فيه الان
من شوق وحنين ولهفة وخوف وحب
وهاهي الان ممدة على فراشها الصغير.. تتمنى لو لمحت النوم واستطاعت الامساك به
فقد سئمت السهر السهر بدون فائدة
تتمنى مرة لو استيقظت و وجدت اتصالا منه
ولو لمرة
تتمتم بحبه في الخفااء كي لا يسمعها قلبها فيصدق
تألمت مما ظنته حباً بما فيه الكفاية فقررت الاحتفاظ بمشاعره لها وحدها
مازالت تنتظر وستظل نتنظر إلى أن يعود.. كما كان عليه
فهي رأت الاخ والصديق والحبيب والزوج في نفس الشخص و لا اعتقد انها مستعدة لتخسر كل هؤلاء =)

تشكرات

شكرا لماما وبابا على كل حاجة

 شكرا لخالاتي اللي كنت باخد منهم اكسسورات وبيرفيونات إلخ

شكرا لأختي .. على حاجات كتير

وشكر للعيلة كلها بقىشكراً

 لشيماء وامل ومنال وبسنت زمايلي

و إسراء واميرة وشيماء (تانية) صحابي

وشكراً لـ سعد وعلاء ومصطفى

وشكرا لكل زمايلي

وشكراً لـ مي وهبة وسارة ونورا ورقية ونجم وحسن وسمر ونورهان ومنة ومريم وعهود ويسرا واحمدات ومحمدات إلخ (بتوع تويتر)

و أحمد بتاع السكيتينج

وعم صابر البواب ومراته وعيالهم

و المكوجي اللي فـ شارعنا

وعم احمد النجار

وشكرا لـ احمد الدريني وابراهيم الجارحي وعلاء القمحاوي واميرة وكل فريق تيت راديو

وشكرا لأحمد يونس واسامة منير وندى مدحت

وشكراً لمستر محمود وايمن وابراهيم

وشكراً لميس الهام ورشا وايمان فاطمة ومريم

وشكراً لـ سواق الميكروباص اللي نسيت نضارتي فـ ميكروباصه

وشكراً لسواق الاتوبيس اللي كل ما بسافر بيبقى هو هو

وشكراً للراجل بتاع الامن اللي بيبقى على مكن المترو اللي قطعلي التذكرة عشان كنت جية من دار السلام والمكن هناك بايظ

والامن التاني اللي قالي "ألطم؟" عشان دخلت مـ المكنة المفتوحة

وسواق الموتوسيكل اللي قالي مش تحاسبني وإنتي ماشية

والعيل الرمة اللي كان راكب على عجلة وخبطني.. شكراً

وشكراً لكل الممثلين وبالاخص فؤاد المهندس واحمد حلمي

وشكراً لأمل وشيريهان وحنان وسارة و ماهيتاب وناريمان وسالي ورانيا و

وشكرا لكل الناس اللي قالتلي الشتيمة عيب وبعدها بـ 4 شهور قالولي لازم تبقي خشنة وتشتمي

وشكراً لـ ليللي اللي لحد دلوقتي معرفش اسمها الحقيقي ايه

وشكراً لـ لميس الحديدي وخيري رمضان ومحمود سعد.. أكتر ناس وضحتلي المعنى الحقيقي للنفاق

وشكراً لحمدين صباحي وريهام سعيد

 شكرا لأي حد ضحك فـ وشي

و أي حد شجعني اني اعمل اي حاجة

و كل الناس اللي فاكرالي حاجات كويسة

ولو نسيت حد.. شكراً ليك :)

وشكراً لأي حد بيقرا دلوقتي

تناقض

سعادة حزينة
وبسمعة دامعة
بياض داكن
وإحمرار مصفر
ألم ممتع
ومشنقة مريحة
حب مكروه
وكره محبوب!
وبالاخص كره محبوب :)

في المسائل الرياضية
1+(-1) = 0
لا يساوي شئ
التناقض فـ الحساب بـ صفر
بـ ولا حاجة
"يقولون من الممكن ان يحب الانسان ويكره في نفس الوقت ونفس الشخص"

جربت تشوف حد تسمع ضربات قلبك وفـ نفس الوقت حاسس انك مش طايقه؟
دا تناقض
بس العلماء بيقولوا مفيش حاجة اسمها تناقض.. وإن التناقض عمره ما يجتمع فـ نفس الشئ
الحقيقة ان دا بيحصل
وفي امثلة كتيرة اوي
زي الشجن.. الشجن يعني تلاقي واحد او واحدة كانت بتعيط عياط بشع
وفـ أقل من ثانية تحصل حاجة تخليها تبتسم
قلبها محروق من كتر العياط وعنيها واجعاها
لكنها حست بـ إنتعاش فـ مشاعرها لسبب او لأخر فـ إبتسمت
دا تناقض.. ومع ذلك بيحصل

وفي الشفق.. الشفق دا بيحصل فـ السما
شروق وغروب مع بعض
أو بمعنى اصح اختفاء الليل وظهور النهار او العكس
لو ساكن فـ عمارة عالية وقريب من السما (دور عالي يعني)
ركز اوي من اول ما الفجر يأذن لغاية ما الشروق يطلع
هتلاقي اشعة الشمس بتظهر بشكل غريب.. ساعات بيبقى مرعب
لأنه كتير بيبقى عامل زي النار
والمنظر دا ممكن متعرفش تشوفه الصبح
ممكن تلاحظه المغرب.. الشمس بتختفي والليل بيجي دا برضو تناقض
والنقطة اللي بيتقابل فيها التناقض دا
بيبقى اسمها الشفق

التناقض لماا بيتجمع بيطلع حاجات جميلة جدا
حاجات تحب تشوفها
وفي امثلة كتيرة جداا للتناقض
لو دققت هتلاقيها :)

تشوهت صورته

يوماً ما
رأيته أطهر شئ في الوجوود
يوماً ما.. ظننت أن لا احد ببياض قلبه و رقة مشاعره
ادركت هذا في وقت كان هو سبب ألمي
أتعلمون؟ كنت اتمزق وجعاً وادعي له بالرضا والراحة في صلاتي
(حلاوة روح)
بالرغم من كل شئ وبالرغم من ان نهايتي معه لم تكن سعيدة
لم أدعي عليه قط
لم اتمنى له الشر ابداً
كنت أدعي الله أن يرحمه بقدر إيلامه لي
وان لا يحاسبه على شقائي الذي بسببه
طيلة عام كامل كنت اقول يا الله بقدر حبك لنبيك خاتم المرسلين أرجوك يا ارحم الراحمين الا تعاقبه على ما انا فيه الان
كنت غبية! لا اعلم..
ابدا ابداً لم اسبه غياباً أو اي شئ من هذا القبيل!
بعد مرور عام كامل
أدركت فعلا.. لا أحد يعيش بالذكريات
أتعلمون؟ أدركت أني خُدعت
الصورة الملائكية التي كانت في ذهني كانت سراب
كلما إقتربت منه إبتعد!
حتى تلاشت
رأيته على حقيقته.. عبد للذل, تابع للمهانه
شعاره "أهني.. تجدني"
يعيش على سحابة من الحب والهيام والوهم لشخص.. لن يعطيه الى الخذلان
ذات يوم.. سيقع وتكسر رقبته!
كلامي عنه الان يختلف كثيـــــــــــــــــــــــــراً عن كلامي من ذي قبل
فـ الان.. تشوهت صورته أشد تشويه
لم يبقى اي ذكريات تحنن قلبي على هذا الملاك الذي تحول لكائن
لن يمكنني وصفه
لوهلة ظننته يشعر بما كنت فيه.. لم اعرف سوى الان انه اتقن التمثيل
حتى النخااع

فـ شكراً لكل شئ جميل لا استطيع تذكره
وشكراً لكل دمعة علمتني كيف افرق بين البشر
وشكراً لكل موقف اثبتت فيه أنك لست هذا الملاك

ألف شكر.. :)

ذاكرتي..

تمنيت مرة لو فقدت ذاكرتي في حادثة
بقدر ما تحمله هذه الذاكرة من ذكريات دفينة مبهجة كلما اتذكرها اُقتل ضحكاً
تحمل ذكريات مؤلمة كلما مرت بخاطري اقتل قهراً!!

تمنيتها فعلا.. لو إستيقظت مرة من نومي
سائلتاً نفسي من أنا؟؟
وماذا افعل هناا؟؟
كيف جئت ومن هؤلاء!!
لم يكن في ذكرياتي شئ لأبقي عليه بداخلها وارفض فقدانها
اردت تضييع هذه الذاكرة التي تتقن إيلامي في اوقات ربما اكون في قمة سعادتي
لن أنسى ابداً دمعة الفرح التي حولتها تلك الذاكرة لدمعة حزن وألم
ولن انسى تلك اللحظات التي اكاد اتمزق فيها شوقاً فتذكرني اكثر بهم!

لو بإمكاني استبدالها او بيعها او التخلص منها بأي شكل كان
لفعلت!!
لو بإمكانها سماعي.. أخبرها.. أنا اكرهك.. لا أريدك!
عشت فـ الحياة دقائق معدودة.. لماذا لا تجدي إلا الألم لتذكريني؟

بالرغم من هذا وذاك..
اصبحت لحظات فرحي في تخديرها..
فـ هي تتقن الإبتعاد عني عندما أكون مع الناس
تتقن العودة عندما ابقى وحدي
لتذكرني بأسخف ما اقترفت يومياً

تلك الذاكرة من اسباب فشلي
نعم من اسباب فشلي
لن انسى محاولاتي فـ الدراسة. ومحاولاتها تشويش ذهني
وتذكيري بأشياء
حاولت نسانها.. لكن لا فائدة!!
أتعلم معنى الدراسة مع ذكريات؟؟
مستحيــلة

لذا.. لو تثنت لي الفرصة ولو لمرة أن أتخلص منها
سأتخلص... 

رسالة من مجهول

"تم القبض على فلانه عاريه
تخيلى يا اختى المسلمه لو مررتى فى يوم من الايام على جريده من الجرائد مانشيت مكتوب فيه تم القبض على فلانه الفلانيه عاريه فى احضان ثرى عربى وبالصدفه وجدتى الصوره التى تخص فلانه الفلانيه هى صورتك نعم صورتك وانتى بالملابس الداخليه او بملابس البحر وتتسالى انا عمرى ما اتصورت صوره زى دى يا ترى جابوها منين وتزدادى حيره حين تعلمى انه من الممكن ان يراها ابوكى واخوكى وجيرانك وجميع من يعرفونك وانكى اصبحتى فى مازق ترى الى اين ستهربين اتعلمى من اين اتوا بصورتك من الفيس بوك الخاص بكى لقد قاموا باخذها وركبوا عليها جسم فتاه اجنبيه عاريه من اجل ان يصبح الخبر مصرى وان تظهرى بملامح مصريه ترى بعد ما قراتى هذا الموقف هل ستستمرين فى وضع صورك على الفيس بوك ام ستتقى الله وتشيليها لا اله الله انت سبحانك انى كنت من الظالمين"

وصلتنى هذه الرسالة بالنص على صندوق الرسائل الخاص بى على الفيس بوك من شخص لا اعرفه بالمره !!!
لا اعرف من اعطاه الحق لكى يكون من ضمن كلامة صيغه تهديدية " هل ستستمرين فى
وضع صورك على الفيس بوك ام ستتقى الله وتشيليها" !

ما الذى ادخل الاله فى هذا الموضوع ؟
 هل ما افعله فيه انعدام لتقوى الاله ؟
من الذى صور له انه بارساله لتلك الرسالة انه يفعل الصواب بعيبنه و  هو نصحى للطريق الحق ؟!

الكلام اللي فوق دا مش كلامي ولا بتاعي

كل دا منسوخ بالنص من مدونة جارتنا 

لكل بنت بقى.. فيس بوك بالذات

لو بتقولي مليش اعداء ومفيش حد ليه مصلحة يشوهني بالصورة دي

هما مش هيشوهوكي

هما بيشوهوا مصـر.. حاظفي على نفسك وعلى صورتك وعلى بلدك :)

ولو حبكت تحطي صورتك اوي.. حطيها مش واضحة اوي محدش يقدر يطلع منها تفاصيل :)

ربنا يحفظكم جميعاً يارب :) :) 

روحها وعقلها

بداخلها الكثير .. كلما عقدت صفقة مع روحها لتطاوعها
فسخت روحها العقد
رافضتاً إعطائها حريتها فـ التحكم فيها
مشوشة تعيش وحدها بين البشر.. تكتفي بعقلها وروحها يؤنسانها في وقتها
قد تستغنى عن كل البشر وإن سألت على احدهم
فهو من له معزة خاصة في قلبها
تتمنى لو كانت مثل البقية.. عادية
لكن فـ الحقيقة
هي مختلفة! منطوية! تعشق الوحدة!
بإمكانها فعل ما تريد وأي شئ وحدها
هي ستظل هي.. بروحها ,, وعقلها 

أحبك..!

هلوسة

يصعب وصف ما بداخلي الان
تضارب, تناقض, غيرة, هذيان, صداع, تعجب

لكن حالة لا بأس بها من اللامبالاة تسيطر على
وكأن العالم كله لا يعني لي شيئاً
بتلك اللحظات التي تفيق فيها على ما تفعله سائلاً ذاتك لما؟؟
عندما سألت هذا السؤال لم أجد إجابة
فـ توقفت!
فـ شعرت باللامبالاة!!

أكثر ما يوجعني هو التجاهل والاهمال
ربما من كثرة ما لقيتهما إعتدت!!
في تلك المرحلة بين إنتخابات واعلان دستوري ومصير ثورة
كنت اتخيل ان اكون اكثر حماساً من ذلك
لكن
اللامبالاة اثرت على كل شئ
حتى الحماقات, بِت اقترفها بدون حرج!!
تبلد!
"ما الفائدة من الكتابة والمعنيون بها لا يقرأون"
هذا السؤال
سبب من اسباب لا مبالاتي
حيث ان كل ما يحدث لا إجابة عليه
هو فقط يحدث
فلا يجب التعليق
وكلمة "لا تعليق" تعني لا مبالاة
وها انا اعيش "اللا تعليق"

First Daughter

فيلم
رومانسي من الطراز الاول
بيحكي عن البنت الوحيدة لرئيس الولايات المتحدة الامريكية اللي داخل انتخابات عشان الشعب ينتخبه لفترة تانية, البنت بتعيش حياتها مدللة متهنية اي حاجة بتحبها بتاخدها الناس بتجاملها ولو بيلاعبوها دايماً بيكسبوها
معندهاش مشاكل اي حد
ويمكن دي الحاجة الوحيدة اللي ناقصة عندها
البنت بتكبر وبتبقى مراهقة شابه و عايزة تروح الجامعة
حلمها انها تركب عربية صغيرة حاطه فيها صندوق السندوتشات (هي اللي بتقول)
ومخبية إزازة البيرة تحت السندوتشات
(لاحظوا إن دي الولايات المتحدة الامريكية)
زي أي إنسان طبيعي في الدنيا وتنسى انها بنت الرئيس
وتعيش كـ مواطنة عااددية جداا
باباها (الرئيس) بيوافق لكن مع تحفظات
إنها تروح الجامعة بحراسة مشددة ويعملوا تحري حول اي حد بيقرب منها
إتعرفت في الجامعة على شاب
وبأعجوبة خرجت معاه مرتين منغير حراس
فـ مرة كانوا فـ حفلة هي عزمته عشان تعرفه على الاهل (الرئيس والسيدة الاولى)
حصلت مشكلة والعربيات خبطت فـ بعض و حوار كدة
خدها ع الجراج وركبها العربية ولسة بتقولو اتفضل علشان يقعد (المفروض انه ضيف لازم يحموه برضو)
 قفل باب العربية
و اتكلم في للاسلكي وقال"كل شئ على ما يرام"
صدمممممممممممممممة
(طلع مع الامن والحراسة وكدزة)


حط نفسك مكانها كدة
لما كل الناس تبقى بتبصلك بعين المصلحة والتدليل
لما حياتك تبقى متخططة بجداول ومواعيد الناس كلها بتحسدك ع النعيم اللي إنت فيه انما فـ الحقيقة إنت تعبااان
لما تحس انك عايش فيلم مصور
اقل هفوة بتعملها بتتعملك فضيحة في العالم كلها


هتعرف تحمد ربنا كويس اوي ع اللي إنت فيه :)
ايا كان هو ايه
فـ إنت فـ نعمة :)

مزاج

في ناس مزاجها الغنى
وناس تانية مزاجها الرقص
وناس مزاجها تسمع اغاني
وناس مزاجها تشتغل فوتوشوب
وناس مزاجها تصور
وناس مزاجها تكتب
وناس مزاجها ترسم
وناس مزاجها تطبخ
وناس مزاجها تنضف
وناس مزاجها تنقش
وناس مزاجها تصوت
وناس مزاجها تشد فـ شعرها (والله دي حقيقة)
وناس مزاجها تلعب (اي حاجة)
وناس مزاجها ترغي
وناس مزاجها تكلم نفسها
وناس مزاجها تقرا
وناس مزاجها تعزف
وناس مزاجها تاكل



الواحد من دول لو إنقطع شوية عن مزاجه
تلاقيه بدأ يهيس
ويطلع منه كلام اهبل
وادايق كدة وقعد على جمب لوحده
واي حاجة صغيرة توجعه وتفكره بكل الاحزان اللي عدى بيها فـ حياته
الناس دي بتهرب من همومها بمزاجها دا
وفي ناس ولاد دوجز

بتبقى قاصدة تبعدهم عن مزاجهم دا
الناس دي فنانة فـ مجالها بس لو مزاجها معاها
لو إنت رئيس على حد عنده مزاج عالي
متقصوش فـ أفكاره
لأن دا هيقلب معاه بعكس
وهيهرتل فـ اللي إنت عايزه منه

بس طبعاً لو مزاجه على حساب مصلحته يغور مزاجه فـ داهية (ايموشن مطلع لسانه)

لو ملكش مزاج معين
جرب كل حاجة فـ الدنيا
أو جرب حاجات كتير فـ إستطاعتك تجربها
اركب ساقية
أو اقرا كتاب
أو اتعلم جيتار
أو اتعلم لغة تانية واقعد كلم الناس بيها
أو ممكن تعمل اي حاجة من اللي موجودين فوق دول
المهم تدور على مزاج
كل ما تحس انك مدايق او مخنوق
تروحله :)

أولويتي درجة تالتة

حاجة وحشة لما تحس إنك اولوية درجة تالتة او رابعة

حاجة سيئة جدا بجد
احساس الاهمال وإنك موجود موجود هتروح فين يعني
إحساس انك مش من ضروريات ناس هما بالنسبالك الضرورة فـ كل حاجة

احساس انك الاحتياطي منين ما حد يحتاجك هيلاقيك
في حين انك كنت اولوية درجة أولى فـ يوم مـ الايام

إحساس وحش اوي لما سعادتك او حزنك تبقى مرتبطة بناس إنت نفسك مش فارق معاهم كتير
اياً كان..  اللي بيوزع البهجة والإبتسامات ع الناس
ممكن ينساك
ممكن يتحاشاك
وممكن وممكن
بحيث يبقى كل الناس عليها إبتسامته إلا إنت
الكلام دا يائس اوي
بس ايه فايدة المدونة غير انها تطلع كل اللي جواك؟
احساس الركنة لوقت العوزة دا إحساس زبالة

لو مفيش ظروف سهلة وطرق بسيطة يوصلولك بيها يبقى مش هيوصلوا
ولا هيسألو
أصلهم اتعودوا إنك اللي توصل او تسأل أو تتقصى
مانت كدة او كدة بتسأل
وبيعرفوا أخبارك منك

فـ أنا وجدت حل للمشكلة دي
لتجنب كل الاحساسيس دي او بمعنى اصح للتخلص منها
إنك تبعد
ودا حل بديهي يعني بس انا مش قصدي تبعد عشان يسالوا عليك
لأ
قصدي تبعد اسبوع ولا اسبوعين عن اي مكان بيتواجدوا فيه او اي طريقة ممكن توصلك ليهم او العكس
إبعد اسبوعين كاملين
متسألش عنهم
ومتتحراش اخبارهم
ولا تتقص عليهم من تحت لتحت
عيش من غيرهم
بس لو معرفتش تعيش من غيرهم
تأكد
إنك مبسوط بأولويتك درجة رابعة!
ولو قدرت
وجيت بعد الفترة دي
ومحدش سأل عليك ولا عرفت حتى انهم سألوا عليك
نصيحة مني
عامِل كما تُعامَـل
ومدام قدرت تعيش من غيرهم اسبوعين
هتقدر تشوفهم منغير ما تسأل عليهم ولا تتحرى اخبارهم طول حيااتك :)


التدوينة دي لـ اشخاص بعينهم
لو بيقروها دلوقتي
بس يعرفوا
إن هما الاولوية الاولى عندي

طبق اليوم

طبق اليوم

ربع كوباية مية من الحنفية..

دا لو تيسر..

نص كيلو بصل..

ومش شرط يتقشر..

وسنة ملح وفلفل اسمر..

ولو مفيش اسمر..

أي لون يعجبك..

يا عم إكتب ورايا..

إحنا من اولها هنكشر..

شِعـار البرنامج إيه؟..

الطبيخ نفس..

مش أكتر..

وتشهد علينا الحلل والبوابير..

إننا طبخنا لحم الكلاب..

والحمير..

لا حد مات..

ولا حد قال آي..

ولا حد وقع وإتكسر..

والجدع بقى اللي يعرف ليه..

أو يقدر يفسر..

معادنا الاسبوع الجي..

مع حلقة جديدة مـ البرنامج..

لو كان لينا عُمر..

وفينا روح..

نضحك..

ونبكي..

ونهزر..

 لـ علي سلامة

يسـري فوودة مع ثوار الاندر إيدج

http://www.youtube.com/watch?v=lP-213N7oAU

بصوا
اللينك اللي فوق دا لحلقة لـ 4 ثوار تحت سن 18 سنة (أندر إيدج)
لو مش عارف يعني ايه اندر ايدج هتلاقي تدوينة تحت شوية هتفهمك كل حاجة عن الكملة دي
المهم
انا اتفرجت على الفيديو كله وانا كـ أندر ايدج
غيرت فكرتي تماماً عن حاجات كتير اوي

إتفرجوا وقولولي غيرتوا فكرتكوا عن الاندر ايدج ولا لأ :) 

إنسان -بلاك تيما

انا مش فارس ولا فتى احلام
انا زحمة وربكة وشغل جنان
نصي بيضحك والتاني زعلان
انا شيخ فلتااان
طيب شرير وجرئ وجباان
اوقات مشرق واوقات بهتاان
وساعات سلم وساعات تعبان
مفتري جدا وكمان
غلباااان
شبابيك وبباان
توهة عنوان
انا مـ الاخر عفريت لابس بدلة إنسااان

لو عجبتك الكلمات
دا لينك الاغنية
http://www.youtube.com/watch?v=hLChAblAKxI

تعلق...

في ناس تستحق كل حاجة حلوة فـ الدنيا

الناس دي هتلاقيها دخلت قلبك من اول كلمة قالتها

الناس دي هتتخيل اي حاجة غير انهم يبعدوا عنك

الناس دي بتعرف تعلقك بيها كويس اوي

القلب الطيب كل الناس بتحبه

بس مفيش وردة منغير شوك

وعشان كدة ...

مفيش قلب ابيض بس, لازم تلاقي جمب اسود كدة, مش لازم يكون اسود اسود يعني ممكن رمادي شوية

المشكلة ان في ناس هبلة (سوري يعني) بتفتكر ان الناس دي ملايكة, وبمجرد ما يعملوا اي خطأ أو يخرجوا عن شعورهم شوية صغيرين بيغيروا فكرتهم عنهم تماماً ويشغلوا اسطوانة انخدعت فيهم 

فـ الحقيقة 

دول راحوا ولا جم بشر

بس انا مش هرغي ع الحتة دي كتير 

المهممم إن الناس دي لو إتصلت بيها مرة ومردتش عليك

ولو عملتلهم كومنت عالفيسبوك ومعملوش لايك

أول حاجة بتخطر فـ ذهنك إن اللي عملته دا ملوش لزمة وإنهم بيستهيفوك ومنفضينلك وكل الكلام دا, هما فـ الحقيقة ممكن يبقوا مشغولين بس شوية, وعشان كدة

لازم تحط مسافات بينك وبين اي حد اتعلقت بيه

عشان متتقتلش من جواك لما ميرودش على تليفونه :)

الناس دي اجدر ناس تستاهل اهتمامك

بس خلي بالك

لأن السهم من واحد منهم

بيموت!  :)

أنــا

بعد عدة مواقف هنا و هناك من ناس اعرفهم ومعرفهمش تبين أن اغلب الكلام بيبقى بكلمة
"انــا"
يعني, لو إنت بتتكلم فـ حوار سياسي هتلاقي واحد طالع يقولك بس انا رأيي كذا
أو لو بتتكلموا على اغنية هتلاقي واحد طالع يقولك, بس "انا" لما سمعتها قولت كذا
وواحد تالت هتقولو اخبار الميدان ايه هيقولك "انا" كنت معدي وشوفت كذا وكذا

يعني ببساطة اياً كان السؤال واياً كانت اجابته لازم إنت تقحم نفسك فـ الموضوع أو بمعنى اصح تقحم كلمة "أنا"
الموضوع دا بقى يستفزني "انا" جدا
لأنها فعلا حاجة رخمة
بس رخمة ليه؟
"انا" بطبعي لما بشوف حاجة بحب احللها
و لما ببقي بكلم حد واجيبله سيرة الـ "انا" بلاقيه بيتكلم من تحت ضرسه وكأنه عايز يرجع للموضوع
ولاحظت دا مع ناس كتير يعني مش انا بس

طبعاً انا مش قصدي كلمة |انا| بحد ذاتها انا بتكلم عموماً على ضرورة اظهار نفسك فـ الصورة
لو مش واخد بالك من النقطة دي
ركز فـ كلامك مع اي حد, وحاول تطلع عدد المرات اللي هذكر فيها نفسه
بس طبعاً ميكونش الحوار اللي بتتكلموا فيه عنه هو :D

المهم الموضوع دا بيبقى أكتر فـ البنات أو الستات بوجه عام يعني
لو واحدة بتحكي لواحدة عن حبيبها وبتقولها عنه كلام حلو
تأكد إن التانية هتدايق مهما كان علاقتها بحبيبها هي كمان حلوة ولا لأ
واول ما الاولى تخلص كلامها عن حبيبها التانية هتفتح الشريط عن حبيبها
ولو الاولى اتكلمت بالسوء التانية "شرحو" والعكس صحيح

طبعاً دي مشكلة وقضية لوحدها لكن دا مثال

المهم, حاول تفرمل نفسك لو وقعت فـ الـ "أنا" ومتكملش كلام
مش كل الناس عايزة تعرف رأيك وموقفك وشعارك وحياتك وتفاصيلك

مش كل الناس هيهمها اوي انت قلت ايه او رأيك ايه وكمان مش كل الناس هتكمل الحوار عليك
يعني بمعنى اصح
لو بتتكلم فـ أي حوار
حاول ماتبرزش نفسك أوي فـ الصورة :)

UnderAge

اندر ايدج
يعني ايه اندر ايدج اصلا؟
يعني بشر تحت سن 18 سنة يعني (-18)
واشمعنا 18 سنة
عشان قبل السن دا الدولة مش بتعتبرك مواطن ولا ليك حقوق
إنت مجرد طفل اياً كان سنك مُطالب بالمذاكرة والاجتهاد عشان لما تعدي الـ 18 تفيد البلد
على اساس انك مش هتعرف تفيدها وإنت -18 !!
المهم
الناس الاندر إيدج دول بقى لو نعكشت فيهم
هتلاقي عقول فيهم, يمكن اذكى وألمح من العقليات اللي معدية الـ 18
وافكار مفيدة بجد
بس يامين ينعكش بقى!
لو نعكشت اكتر هتلاقي ان اغلب الثوار اللي كانوا فـ الميدان يوم 25 و 28 يناير كانوا (-18)
آه والله دور إنت بس وملكش دعوة
الفئة العمرية دي بتبقى لذيذة أووي مش من ناحية انها اخر مراحل الطفولة وإنك لسة اهبل وتافه وعيل صغير فتلعب وبتغني وبتمارس كل انواع الحمق إطلاقاً مطلقاً, أبسلولتلي :D
السن دا لذيذ أو ممتع لسبب, إنك مهما عملت إنت قاصر -_-
مهما قولت إنت قاصر ومهما إرتكبت جرايم (مش قتل طبعاً) برضو انت قاصر
إيه قاصر يعني؟
يعني لو عملت مصيبة مهببة مش انت اللي هتتعاقب, أهلك اللي هيتعاقبوا وانت ممكن "ممكـــــــن" تتعاقب معاهم
مين ابن التيت بقى اللي رسخ فكرة إن (-18) يعني طفل؟
جدي وجدك
أيوة فعلا جدي وجدك
اصل ايامهم, كانت البنت بيبقى عندها 16 سنة ولسة عاملة الضفيرتين ولسة لابسة الفستان اللي فوق الركبة وشعرها بيلمع والجزمة السودا أم ابزين وتحتيها الشراب الابيض وشكراً
طب بزمتك, في بنت 16 سنة, دلوقتي كدة؟
دلوقتي البنت 16 سنة ممكن تتجوز!!
إنتي بتتكلمي فـ إيه يا حجة!
المهم;
ايام الابيض واسود فـ التمانينات أو قبل كدة
كانت البنت بمجرد ما تكمل 17 أو 18 سنة بتشوف نفسها كبرت وبرضو المجتمع الباءت بيعاملها بكل سخافة وسخرية وبيحبسها فـ إطار "إنتي لسة صغيرة"
ولما دخلنا فـ الالفية الاولى بدأ يبقى في تحررية فـ الافكار شوية, فبدأ الـ أندر ايدج يشموا نفسهم شوية لكن نفس المجتمع الباءت كبس على نفسهم بـ "العاادات والتقاليد" المصرية العريقة
اياً كان, الفكرة دي دلوقتي اتغيرت, الاندر ايدج مش اطفال
لو إنت أو إنتي معديين الـ 18 ياريت بس تفهموا
إن في عقول يمكن نفس عقولكوا (-18)
ياريت بس والنبي يا جماعة
تفهموا, إن في حاجة اسمها إنترنت دلوقتي
وفي تطور عصر, بلاش تطلعوا اطفالكوا على "إنتي صغيرة أو إنت صغير"
الكلمة دي بتخليهم يحسوا فعلا انهم اطفال ومهما عملوا من انجازات هتفضل إنجازات "أطفـــال"
إنما مثلا لو قلتلهم "أيوة استمروا, دماغكم حلوة, مستقبلكم باهر" بس تكون على حاجة صح يعني مش عمال على بطال
ممكن يطلعوا حاجة مفيدة تفيدكوا نفسكو فـ المستقبل

يا جماعة الأندر إيدج دول كنز مدفوون تحت الرمال
ولسة مالاقاش اللي يكتشفوا

محدثتكم, واحدة من الاندر إيدج :)

نَـقاَء ..~

يتحدثون من القلب أولائك الذين يملكون النقاء
تطغى البراءة على قلوبهم
فـ يضحكون من القلب ويحزنون من القلب
لا يمكنهم تزييف الابتسامات أو تمثيل البكاء
تماماً كـ الأطفال
هم هكذا كما تراهم, لن يتغيروا غد أو بعد غد
أتعلم/ي؟
كثيرون تمتعوا بالنقاء
أجل تمتعوا, الفعل فـ الماضي, فقد زال النقاء من قلوبهم ومن حياتهم
أولائك من تعرف على اصدقاء السوء
واثرت عليه الظروف
وتطرفت افكاره بفعل آخريين
فقدوا أجمل ما فيهم من صفات وهي النقاء
أولائك من تجدهم يبتسمون على اتفه الاشياء ويحزنون لأبسط الاشياء
ربما الجرح يفقد الصواب والنقاء
ربما مجروحون, بل مؤكد مجروحون
تنزف قلوبهم ألماً تشتكي الظروف والهم واصدقاء السوء
ولكن ليس كل الفاقدين للنقاء مجروحين
وليس ليس كل المجروحين فاقدون لنقاءهم الداخلي بالعكس
وفيما يلي مثال لأشخاص لم تفسدهم الظروف ولم تعكر صفوهم ونقاءهم وآخرون عُكِـروا بالفعل

(بيضة, جزرة, بُن) لديهم خصم واحد وليكن الماء الساخن
فـ هو الظروف المحيطة التي ستطرأ على كل منهم
فـ البيضة ستحولها المياه الساخنة إلى كائن صلب من الداخل
أما الجزرة فستتحول إلى كائن رخو طري
أما البن, فسيتحول إلى كائن طيب المذاق حلو الرائحة

أتعلم/ي ما الفرق بين الثلاث؟
لم تستطع البيضة تقويم تأثير الماء الساخن عليها
فـ تحولت إلى شخص أو كائن صلب القلب جامد الرأي صعب المعاملة
أما الجزرة فـ إنهارت أمام الصعاب وهي الماء الساخن وتحولت إلى شخص رخو سهل طري تؤثر فيه الظروف المحيطة بشكل كبير
أما البُن فهو الوحيد الذي قام بتقويم تأثير الماء الساخن عليه وتحول إلى كائن حلو محبوب به صفات جميلة
مثل حسن الطعم وطيب الرائحة

من تحب أن تكون؟

كي لا يمس أحد نقاءك اتبع الاتي
-حافظ على مبادئكـ مهما كانت
-لا تنساق وراء من يعجبه رأيك أو يعجبك رأيه
-حافظ على صلتك بخالقك
-لا تكترث بكل ما يقوله الناس
أو بمعنى أكثر إيجازاً
(لا تتغير)

إن كنت ممن لديهم نقاء, فـ أنت مصطفى من بيننا :)
إن لم تكن, إبحث عنه حتى تجده
وعندما تجده... لا تفرط فيه :) 

يا ثورة ماتمت

النهاردة شوفت فيلم جامد مووت

الفيلم إسموا يا ثورة ما تمت

بطولة (الثوار, حبيب العادلي, مبارك, جمال وعلاء "دوينتو" والقاضي احمد رفعت) 

بيقولك ايه بقى, في مجموعة شباب راحوا وقفوا فـ الميدان وعملوا ثورة

واضربوا ومات منهم كتير

فـ الشعب بتاعهم اللي هما منوا بقى قالك لا دول عيالنا ازاي نسيبهم يموتوا كدة

ننزل تضامناً معاهم 

نزل الشعب ومعاهم الشباب لحد ما وقعوا رأس النظام

اللي هو الريس يعني 

ومسكهم مجلس عسكري كدة خرع زي بتاعنا بالظبط

وفضل بقى يقتل فيهم ويعري فـ بناتهم ويعور عنيهم وبتاع

وفـ الاخر قالهم نهاية حكمي محاكمة رئيسكم

وجيه يوم محاكمة المخلوع اليوم المووعود

والناس كلها متوقعة إنه ياخد براءة

فـ جيه الخازوق الكبير والقاضي اداله 25 سنة (مؤبد يعني)

قلنا ماشي, الخازوق فين بقى؟

إن وزير الداخلية اللي يعتبر اكبر متورط فـ قضايا قتل المتظاهرين

و موقعة الجمل (اقرا تاريخ الثورة)

و الانتهاكات اللي كانت فـ وزارة الداخلية

خد مؤبد برضوو

بس مش دا الخازوق اللي قصدي عليه

اكبر خازوق خدوه

إن عيال الدكتاتور اللي هو الريس نفسه

خدوا براءة!!!!

الشعب جتله نقطة 

وقرر ينزل التحرير يعمل مسيرات

متعرفش المسيرات دي هتأثر فـ إيه بس نزل تعبير وخلاص

والمسييرات نازلة نازلة

وحمدين وابو الفتوح وخالد علي في الميدان

والناس نازلة نازلة نازلة

إخراج, شريف عرفة