طبق اليوم

طبق اليوم

ربع كوباية مية من الحنفية..

دا لو تيسر..

نص كيلو بصل..

ومش شرط يتقشر..

وسنة ملح وفلفل اسمر..

ولو مفيش اسمر..

أي لون يعجبك..

يا عم إكتب ورايا..

إحنا من اولها هنكشر..

شِعـار البرنامج إيه؟..

الطبيخ نفس..

مش أكتر..

وتشهد علينا الحلل والبوابير..

إننا طبخنا لحم الكلاب..

والحمير..

لا حد مات..

ولا حد قال آي..

ولا حد وقع وإتكسر..

والجدع بقى اللي يعرف ليه..

أو يقدر يفسر..

معادنا الاسبوع الجي..

مع حلقة جديدة مـ البرنامج..

لو كان لينا عُمر..

وفينا روح..

نضحك..

ونبكي..

ونهزر..

 لـ علي سلامة